بەرگری شارستانی سۆران: گەڕان بۆ دۆزینەوەی تەرمی ئاڤێستا بەردەوام دەبێت

ئاڤا نیوز

 

ماوەی مانگێکە تیمەکانی بەرگری شارستانی بەردەوامن لە هەڵمەتی گەڕان لە ڕووباری تەنگاتوور بۆ دۆزینەوەی تەرمی ئاڤێستا، وتەبێژی بەرگری شارستانی سۆرانیش دەڵێت، بەهەمان پلانی پێشوو بەردەوام دەبێت. 

 

چیرۆکی سەرەکی: ڕۆژی 5-4-2025، ئاڤێستا یوسف بە مەبەستی گەشت و سەیران لەگەڵ خێزانەکەی سەردانی قەزای مێرگە سوور دەکەن لە ئیدارەی سەربەخۆی سۆران دواتر دەکەوێت ناو ڕووباری تەنگاتوور و تاوەکو ئێستا چارەنووسی دۆزینەوەی تەرمەکەی دیار نییە. 

لێدوانی سەرەکی: ڕەوەند هاودیانی، وتەبێژی بەرگری شارستانی سۆران، بە ئاڤا میدیای ڕاگەیاند: سەرەتا بڕیاربوو لە مانگی دووەم دا پلانی گەڕان بەدوای تەرمی ئاڤێستا بگۆڕین، بەڵام لەسەر داوای کەسوکارەکەی بەهەمان شێوازی پێشوو لە گەڕانی ڕۆژانە بەردەوام دەبین.

 

- لەماوەی ڕابردوودا 180 کارمەندی بەرگریی شارستانی بەشداربوون لە هەڵمەتی گەڕان بەڵام ئێستا ژمارەکەیان کەمکراوەتەوە. 

- کارمەندانی حەوت بنکەی بەرگری شارستانی مێرگەسوور و تیمی مەلەوانی و چەند تیمێکی خۆبەخشیش بەردەوام دەبن.

- کامێرا و درۆنی پێشکەوتوومان لایە و هەر کاتێک پێویست بوو گەڕانی ژێر ئاویش دەکرێت.