ترەمپ بودجەی دامەزراوەیەکی گرنگی جیهانی ڕادەگرێت

ئاڤا نیوز

 

دۆناڵد ترەمپ، سەرۆکی ئەمریکا فەرمانێکی کارگێڕی واژۆ دەکات کە دابینکردنی بودجەی توێژینەوە لە نەخۆشییە مەترسیدارەکان و پەتاکان لە تەواوی جیهان ڕادەگرێت. 

 

وێنە گەورەکە: هاوکات لەگەڵ دەستبەکاربوونی وەکو سەرۆکی نوێی ئەمریکا، ترەمپ چەندین بڕیاری دەرکردووە بۆ ڕاگرتنی بودجەی چەند دامەزراوەیەکی گرنگ کە بەشێک لەوانە پەیوەستن بە ژیان و تەندروستی مرۆڤەوە لە تەواوی جیهاندا. 

 

ڕاگەیێنراوی فەرمی: کۆشکی سپی لە ڕاگەیێنراوێکدا ئاماژەی بەوەداوە، ئەم فەرمانەی سەرۆکی ئەمریکا کاریگەری دەبێت لەسەر کەمکردنەوەی ئەو ڕووداوانەی لە تاقیکردنەوە بایۆلۆجییەکان دروست دەبن، ئەمەش وەکو بڵاوبوونەوەی ڤایرۆسی کۆرۆنا لە تاقیگەیەکی چین کە کاریگەری بەرچاوی لەسەر تەندروستی مرۆڤایەتیی هەبوو.

 

زانیاریی زیاتر: لەماوەی ڕابردوودا ترەمپ بودجەی چەندین دامەزراوەی گرنگی دیکەشی ڕاگرتووە لەوانەش کەرتی پەروەردە و خوێندنی باڵا و تەندروستیشی گرتووەتەوە، بەهۆی ئەم بڕیارانەشەوە سەرۆکی ئەمریکا ڕووبەڕووی ڕەخنەیەکی زۆر بووەتەوە.