وەزارەتی نەوت بۆ ئاڤا: ئەمڕۆ کۆبوونەوەمان لەگەڵ شاندی هەرێمی کوردستان نییە

ئاڤا نیوز

 

وەزارەتی نەوتی عێراق لەبارەی کۆبوونەوەیان لەگەڵ شاندی هەرێمی کورستان لە لێدوانێکدا بۆ ئاڤا ڕایگەیاند، ئەمڕۆ سێشەممە کۆبوونەوەمان لەگەڵ هیچ شاندێک نییە. 

 

وێنە گەورەکە: لەماوەی ڕابردوودا تاوەکو ئێستا بەردەوام شاندی کوردستان سەردانی بە‌غدای کردووە بەمەبەستی لێکتێگەیشتن و ڕێککەوتن لەبارەی دووبارە دەستپێکردنەوەی هەناردەکردنەوەی نەوت لە ڕێگەی بەندەری جەیهانی تورکیاوە بەڵام تاوەکو ئێستا هیچ ڕێککەوتنێکی کۆتایی نەهاتووەتەوە ئاراوە. 

 

لێدوانی فەرمی: سەرچاوەیەک لە وەزارەتی نەوتی عێراق لەڕێگەی ئاڤاوە ڕەتیدەکاتەوە ئەمڕۆ سێشەممە هیچ کۆبوونەوەیەکیان لەگەڵ شاندی کوردستان هەبێت لەسەر پرسی دەستپێکردنەوەت هەناردەکردنەوەی نەوت، بەڵام باسی لەوەشکردووە کۆبوونەوە و گفتوگۆکان بەردەوامیان دەبێت بە ئامانجی هێنانە کایەی ڕێککەوتنێکی هاوبەش. 

 

ئەوەی لەبارەیەوە دەگوترێت: بەشێک لە میدیا کوردییەکان ئەمڕۆ وا بڵاویان کردبووەوە کە شاندی هەرێمی کوردستان بۆ ئەو پرسە لە بە‌غدایە و لەگەڵ وەزارەتی نەوت کۆدەبنەوە.