ئاسایشی سلێمانی کوێخا دێرینی بەکەفالەت ئازاد کرد

ئاڤا نیوز 

 

دوای دەستگیرکردنی لەلایەن ئاسایشی سلێمانی، ئەمڕۆ کوێخا دێرین عوزێری بە کەفالەت ئازاد لراوە تا ڕۆژی دادگاییکردنی. 

 

چیرۆکی سەرەکی: ڕۆژی 12-2-2024، دیوەخانی دێرین عوزێر کە پلەداری هێزی پێشمەرگەی سەر بە یەکەی 70ی یەکێتییە، لەلایەن هێزەکانی ئاسایشی سلێمانییەوە ڕووخێنرا، دواتر ئاسایشی سلێمانی لە ڕوونکردنەوەیەکدا وتی "بە داواکردنی سەرانە و پارە وەرگرتن لە سەرمایەدارێک، بڕیاری دەستگرتن بەسەر ماڵ و سامانی کوێخا دێرین دەرکراوە"، بەڵام دێرین عوزێر چووە دەرەوەی وڵات و دەستگیر نەکرا.

لێدوانی فەرمی: سەرچاوەیەکی ئەمنی لە پارێزگای سلێمانی بە ئاڤا میدیای وت، ئەمڕۆ کوێخا دێرین عوزێری بە کەفالەت ئازادکراوە، تا ڕۆژی دادگایی کردنی.

 
ئەوەی پێویستە بیزانیت: ئاڤا زانیویەتی پێش گەڕانەوەی بۆ سلێمانی، بەڵێنی ئەوە بە كوێخا دێرین دراوە، ئەو سكاڵاو دۆسیانەی كە لە دادگا لەسەری تۆماركراوە دادەخرێن و سەرجەم گرفتەكانی بۆ چارەسەر ئەكرێت، بەڵام ڕێگەی پێنادرێت جارێكی دیكە قەڵای عوزرێییەكان دروست بكاتەوە.