پۆلیسی هەولێر: وێنە و ڤیدیۆی نەشیاو بۆ کەس مەنێرن

ئاڤا نیوز

بەڕێوەبەرایەتیی پۆلیسی هەولێر لەگەڵ بڵاوكردنەوەی هەواڵی دەستگیركردنی كەسێك كە هەڕەشەی لە ئافرەتان كردووە داواش دەكات هیچ كەسێك وێنە و ڤیدیۆی نەشیاو بۆ كەس نەنێرێت.

ڕاگەیێنراوی فەرمی: پۆلیسی هەولێر ڕایگەیاند: دوای ئەوەی ئافرەتێک سکاڵای تۆمار کرد، بەڕێوەبەرایەتیی پۆلیسی پارێزگای هەولێر تۆمەتبارێکی بە تۆمەتی هەڕەشەکردن لە ئافرەتان دەستگیرکرد، دوای لێکۆڵینەوە و بەدواداچوونی ورد لە لایەن تیمەکانمانەوە، شوێنی تۆمەتبار دەستنیشان کرا و دەستگیرکرا و تۆمەتبار بە بڕیاری دادوەری لێکۆڵینەوە ڕاگیراوە.

لەلایەكی دیكەوە: پۆلیسی هەولێر داوا لە هاونیشتمانیان دەكات، تۆڕە کۆمەڵایەتییەکان بە هۆشیارییەوە بەکاربهێنن و وێنە و ڤیدیۆی نەشیاو بۆ کەس نەنێرن، بۆ ئەوەی تووشی کێشە و گرفتی جۆراوجۆر نەبنەوە.