فایلی خەڵک؛  باوکێک کە خاوەنی دوو منداڵی خاوەن پێداویستی تایبەتە داوای هاوکاری دەکات

ئاڤا نیوز

دوو منداڵی خاوەن پێداویستی تایبەت پێویستییان بە چارەسەری پزیشکی هەیە لە دەرەوەی وڵات، باوکی دوو منداڵەکە داوای هاوکاری لە خێرخوازان دەکات.

چیرۆکی سەرەکی: محەممەد کەریم باوکی دوو منداڵە بە ناوەکانی یاران و عەبدوڵڵا، کوڕەکەی تەمەنی 10 ساڵ و کچەکەشی پێنج ساڵە، هەردوو منداڵەکەلە سکماکییەوە یەکی چاوێکیان نییە و دکتۆرەکانیش لە عێراق و ئێران پێیانڕاگەیاندووە لێرە چارەسەریان نییە و دەبێت لە ئەڵمانیا چارەسەر بکرێن.

لێدوانی فەرمی: محەممەد کەریم دەڵێت: منداڵەکانم ئەو چاوەیشی کە هەیانە خەریکە لەدەستی دەدەن و کوڕەکەم لە قوتابخانە توانای نووسین و خوێندنەوەی نەماوە، کچەکەشم ناچێتە باخچەی ساوایان.

- چەند جارێک لە چەند دەزگایەکی میدیایی دیکەش ئەم بابەتەم باسکردووە، بەڵام هیچ کاریگەری نەبووە، بۆیە پەنام هێناوە بۆ ئاڤا.

ئەوەی پێویستە بیزانیت: محەممەد کەریم بەهۆی خەمخواردنی لە دوو منداڵەکەی، تووشی شێرپەنجە بووە.