کار بۆ دەسیپێکردنی گەشتی ئاسمانی نێوان و هەولێر و هیندستان دەکرێت

ئاڤا نیوز

هیندستان پشتیوانی بۆ چاکسازییەکانی سیستمی بانکی لە هەرێمی کوردستان دەردەبرێت و کاریش دەکەن بۆ دەستپێکردنی گەشتی ڕاستەوخۆی ئاسمانی لەنێوان هەولێر و نیودەلهی.

چیرۆکی سەرەکی: ئەمڕۆ چوارشەممە سەرۆکوەزیران، مەسرور بارزانی، پێشوازی لە سۆمین باگچی باڵیۆزی نوێی هیندستان لە عێراق کرد، لە کۆبوونەوەیەکدا کە مادان گۆپال، کۆنسوڵی گشتیی هیندستان لە هەرێمی کوردستان ئامادەی بوو، پەرەپێدانی پەیوەندیی دوولایەنە لە بوارە جیاجیاکاندا تاوتوێ کران.

ڕاگەیێنراوی فەرمی: نووسینگەی سەرۆکوەزیرانی هەرێمی کوردستان بڵاویکردەوە، لە کۆبوونەکەدا سەرۆکوەزیران مەسرور بارزانی پشتیوانی هەرێمی کوردستانی دەربڕی بۆ سەرکەوتنی باڵیۆزی نوێی هیندستان لە کارەکەیدا، جەختیشی لە گرنگی بەهێزکردنی پەیوەندییەکانی نێوان هەرێمی کوردستان و هیندستان کردەوە.

لەلایەکی دیکەوە: سۆمین باگچی باڵیۆزی هیندستان، ستایشی پرۆسەی پێشکەوتن و ئاوەدانیی هەرێمی کوردستانی کرد و خواستی وڵاتەکەی بۆ برەودان بە پەیوەندییەکان لەگەڵ هەرێمی کوردستان دووپات کردەوە، بە تایبەت لە بوارەکانی تەکنەلۆژیای زانیاری و بەدیجیتاڵیکردنی خزمەتگوزارییە گشتییەکان و پشتیوانیکردنی چاکسازییەکانی حکومەتی هەرێمی کوردستان لە سیستەمی بانکیدا.

زانیاریی زیاتر: باڵیۆزی هیندستان گووتیشی، کار بۆ ئەوە دەکەن گەشتی ڕاستەوخۆی فڕۆکەوانی لەنێوان هەولێر و شارەکانی هیندستان دەستپێبکات.