ڤانس: ئێران دەتوانێت وزەی ئەتۆمیی هەبێت

ئاڤا نیوز

جەی دی ڤانس، جێگری سەرۆکی ئەمریکا ڕایگەیاند، دانوستانەکانی نێوان وڵاتەکەی و ئێران سەبارەت بە پرسی ئەتۆمیی ئەو وڵاتە لە سەر ڕێڕەوێکی دروستن و بە ئاراستەیەکی درووست هەنگاو دەنێن.

لێدوانی فەرمی: ڤانس گوتی، ئێران دەتوانێت وزەی ئەتۆمیی مەدەنی هەبێت بە بێ ئەوەی یۆرانیۆم بۆ مەبەستی درووستکردنی چەکی ئەتۆمی بپیتێنێت.

- "ئێمە بە لامانەوە گرنگ نییە ئەگەر کەسانێک بیانەوێت وزەی ئەتۆمیان هەبێت. کێشەمان لەگەڵیدا نییە، بەڵام تۆ ناتوانیت ئەو جۆرە لە پڕۆگرامی پیتاندنەت هەبێت کە بە هۆیەوە چەکی ئەتۆمی بەدەست بخەیت، ئەمەش ئەو شوێنەیە کە ئێمە هێڵی بۆ دەکێشین."

ئەوەی پێویستە بیزانیت: ئێران و ئەمریکا سێ گەڕی دانوستانیان سەبارەت بە پڕۆگرامی ئەتۆمی ئەنجام داوە و بڕیارە ئەم گفتوگۆیانە بەردەوام بن.