سەرۆکوەزیران مەسرور بارزانی پیرۆزبایی لە قەداسەتی پاپا لیۆی چواردەمین دەکات

ئاڤا نیوز

بەبۆنەی هەڵبژاردنی وەک چواردەمین پاپای ڤاتیکان، سەرۆکوەزیران مەسرور بارزانی پەیامێکی پیرۆزبایی ئاراستەی ڕۆبێرت فرانسیس پریڤۆست، پاپای نوێی ڤاتیکان کرد.

چیرۆکی سەرەکی: ئەمڕۆ پێنجشەممە 8-5-2025: ڕۆبێرت فرانسیس پرێڤۆس، بووە یەکەم پاپای ڤاتیکان کە بە ڕەچەڵەک ئەمەریکی بێت و نازناوی لیۆی چواردەیەمی پێ بەخشرا. پاپا  ڕۆبێرت فرانسیس لە ساڵی 1955 لە شاری شیکاگۆی ویلایەتی ئێلینۆیسی ئەمەریکا لەدایک بووە و تەمەنی 69 ساڵە.

لێدوانی فەرمی: سەرۆکوەزیران مەسرور بارزانی، لە تۆڕی کۆمەڵایەتی ئێکس، ڕایگەیاند، "بە ناوی حکومەتی هەرێمی کوردستانەوە، پیرۆزبایی گەرمی خۆم پێشکەش بە قەداسەتی پاپا لیۆی چواردەیەم دەکەم بە بۆنەی هەڵبژاردنی وەک ڕێبەری ڕۆحیی کڵێسای کاتۆلیکیی جیهان". 

- "هیوادارم پاپایەتییەکەی پڕ بێت لە ئاشتی، دیالۆگی نێوان باوەڕەکان و ئاشتەوایی".