فایلی خەڵک؛ دانیشتوانی گەڕەکی سێنتراڵ پارکی سلێمانی بێ خزمەتگوزارین

ئاڤا نیوز

 

دانیشتوانی یەکێک لە گەڕەکەکانی سلێمانی لەبەر بێ خزمەتگوزاریی دەڵێن، ژیانیان نەماوە و داوای بەدەنگەوەهاتنی بەرپرسانی شارەکەیان دەکەن، بەڵام لەلایەن هێزە ئەمنییەکانی سلێمانییەوە ڕێگری لە گردبوونەوەی ناڕەزایەتیان دەکرێت.

 

چیرۆکی سەرەکی: گەڕەکی سێنتراڵ پارکی کەنەسورەی سلێمانی، خزمەتگوزارییە سەرەکییەکانی وەکو ئاو و کارەبا و ڕێگەوبانیان نییە، ئەمڕۆ پێنجشەممە گردبوونەوەیەکی ناڕەزاییان کرد بەڵام لەلایەن ئاسایشی سلێمانییەوە ڕێگریان لێکراو و یەکێک لە دانیشتوانی ئەو گەڕەکەش دەستگیرکراوە. 

 

لێدوانی فەرمی: خاتوو ڕەعنا دانیشتویەکی گەرەکەکەیە و بە پەیامنێری ئاڤای ڕاگەیاند، تەواو بێزاربووین لە کڕینی ئاو و دەبێت لەو ماڵانەی کە بیریان هەیە ئاو ڕابکێشین، تاوەکو ئێستا هیچ بەرپرسێک وەڵامی نەداوینەتەوە. 

 

لایەنی بەرامبەر: زەردەشت تۆفیق، بەڕێوەبەری ڕاگەیاندنی شارەوانی سلێمانی ڕاگەیاند، هەر کە بودجەی پێویستمان پێگەیشت، بێگومان خزمەتگوزارییان پێ دەگەیێنین.