لیژنەیەکی تایبەت بە زەرەرمەندانی کوردانی فەیلی پێکدەهێنرێت

ئاڤا نیوز

لیژنەیەکی تایبەت بە کاروباری زەرەرمەندانی کوردانی فەیلی لە دامەزراوەی زیندانی سیاسی پێکهێنرا.

ڕاگەیێنراوی فەرمی: تاریق مەندەلاوی، ڕاوێژکاری سەرۆکوەزیرانی عێراق بۆ کاروباری کوردانی فەیلی ڕایگەیاند: لیژنەیەکی تایبەت بۆ پێداچونەوە بە مەلەفی کوردانی فەیلی لە دامەزراوەی زیندانیانی سیاسی پێکهێنرا، ئەو هەنگاوە لەسەر داوای سەرۆکی دامەزاراوەکە بوو و مەرجە ئەندامانی لیژنەکەی کوردانی فەیلی بن.

زانیاریی زیاتر: ئەم لیژنەیە تیشک دەخاتە سەر ئەو تاوان و پێشێلکاریانەی کە لە سەردەمی دەسەڵاتی ڕژێمی بەعسدا بەرامبەر کوردانی فەیلی ئەنجامدراون، لەوانە جینۆساید، ئاوارەبوونی زۆرەملێ، و هەڵوەشاندنەوەی ڕەگەزنامەی عێراقییان، دەستبەسەرداگرتنی نایاسایی موڵک و ماڵیان لە ساڵەکانی حەفتا و هەشتاکانی سەدەی ڕابردوودا.

ئەوەی پێویستە بیزانیت: بە وتەی تاریق مەندەلاوی،  16 هەزار و 350 شەهیدی پێکهاتەی کوردانی فەیلی لە دامەزراوەی شەهیدان تۆمارکراون لە کۆی گشتی 60 هەزار کەس لەلایەن ڕژێمی پێشووەوە لە سێدارە دراون.