سوودانی کارتی بایۆمەتریی نوێ دەکاتەوە و داوایەکیش لە هاووڵاتیان دەکات

ئاڤا نیوز

محەممەد شیاع سوودانی، سەرۆکوەزیرانی عێراق کارتی بایۆمەتریی دەنگدانی خۆی نوێ کردەوە، هاوکات داوای لە هاووڵاتییان کرد بەشێوەیەکی بەرفراون بەشداری لە پرۆسەی هەڵبژاردنی داهاتووی پەرلەمان بکەن، کە بڕیارە لە 2025-11-11 بەڕێوەبچێت.

وێنە گەورەکە: سەرۆکوەزیرانی عێراق بەشداریی دەستپێکردنی بەرنامەی "بەشداربە" کرد کە ئەنجوومەنی باڵای لاوان ئامادەی کردووە لەپێناو باشترکردنی بەشداریکردنی گەنجان لە پرۆسەی هەڵبژاردندا،

ڕاگەیێنراوی فەرمی: نووسینگەی سوودانی ڕایگەیاند: سەرۆکوەزیران لە ڕێگەی بەرنامەی "بەشداربە" کارتی بایۆمەتریی خۆی نوێ کردەوە و داوای بەشدارییەکی بەرفراوانی لە هاووڵاتییان کرد.

ئەوەی پێویستە بیزانیت: بەگوێرەی کۆمیسیۆن، زیاتر لە 29 ملیۆن کەس مافی دەنگدانیان لەم هەڵبژاردنەدا هەیە، کۆمیسیۆن لە 24ـی مانگی نیسانی ڕابردوودا، ماوەی نوێکردنەوەی کارتی بایۆمەتریی دەنگدانی بۆ ماوەی مانگێک درێژکردەوە.