شاندێكی پارتی بەشداریی لە کۆربەندی یەکێتیی نێودەوڵەتیی دیموکراسی لە برۆكسێل دەكات

ئاڤا نیوز

شاندێکی پارتی دیموکراتی کوردستان بە بانگهێشتێکی فەرمی لە ئەوروپایە و بەشداریی لە کۆڕبەندی یەکێتیی نێودەوڵەتیی دیموکراسی دەکات.

زانیاریی بەدەستهاتوو: شاندەکەی پارتی پێکهاتوون لە هەریەک لە هۆشیار زێباری، ئەندامی دەستەی کارگێڕیی مەکتەبی سیاسیی پارتی و هێمن هەورامی، ئەندامی مەکتەبی سیاسی پارتی و هۆشیار سیوەیلی، بەرپرسی پەیوەندییەکانی دەرەوە، لەلایەن یەکێتیی نێدەوڵەتیی دیموکراسی (IDU)، بانگهێشتی برۆکسێلی پایتەختی بەلجیکا کراون بۆ بەشداریکردن لە کۆڕبەندی یەکێتییەکە.

 

لەلایەکی دیکەوە: دلاوەر ئاژگەریی، نوێنەری حکومەتی هەرێمی کوردستان لە یەکێتیی ئەورووپا، چەند وێنەیەکی لە لاپەڕەی خۆی لە فەیسبووک بڵاو کردووەتەوە و ئاماژەی بە ئەوە داوە کە پەراوێزی سەردانەکەیان، شاندەکە ئۆفیسی نوێنەرایەتیی حکومەتی هەرێمی کوردستانیان لە برۆکسێل بەسەرکردووەتەوە.

 

ئەوەی پێویستە بیزانیت: یەکێتی دیموکراسیی نێودەوڵەتی (ئای دی یو-IDU)، کۆکەرەوەی بەشی زۆری حیزبە دیموکراتەکانی وەک حیزبی کۆماریی ئەمریکا و پارێزگارانی بەریتانیا و یەکێتسی دیموکراسی ئەڵمانییە، یەکێتییەکە ساڵانە دوو کۆنفڕانس رێک دەخات، یەکێکیان لە واشینتۆن و ئەوی دیکە لە برۆکسێل.