‎سەرۆکوەزیرانی عێراق پەیامی بۆ هەڵەبجە هەیە

ئاڤا نیوز

‎بەبۆنەی ساڵیادی كیمیابارانی هەڵەبجە، سەرۆكوەزیرانی عێراق پەیامێكی بڵاوكردەوە، سوودانی دەڵێت " بە ئازارەوە ئەم تاوانە و قوربانیانی یاد دەکەینەوە".

‎‎لێدوانی فەرمی: محەممەد شیاع سوودانی، سەرۆکوەزیرانی عێراق، لە پلاتفۆرمی ئێکس ڕایگەیاند: "لە یادی 36 ساڵەی کارەساتی هەڵەبجەدا، بە ئازارەوە ئەم تاوانە و قوربانیانی یاد دەکەینەوە".

زانیاریی زیاتر: ئەم کارەساتە لە دڵماندا بەزیندوویی دەمێنێتەوە، هانمان دەدات کە زیاتر كاربكەین بۆ بەهێزکردنی سیستەمی دیموکراسیمان، هەوڵەکانی حکومەت بەردەوامە بۆ بەدیهێنانی دادپەروەری بۆ گەلەکەمان کە تووشی نادادپەروەری بووە، هەروەها بۆ جێبەجێکردنی ئەو یاسایانەی کە پشتگیری لە مافەکانیان دەکەن.

باكگراوند: ئەمڕۆ 36 هەمین ساڵیادی كیمیابارانكردنی هەڵەبجەیە، كە بەهۆیەوە زیاتر لە پێنج هەزار هاونیشتیمانی سڤیل شەهیدبوون و زیاتر لە 10 هەزار كەسیش بریندار و ژمارەیەكیش بێسەروشوێن بوون.