لەسەر گیانلەدەستدانی ژنەکەی زاخۆ پزیشکێک و دوو کارمەند دەستگیر دەکرێن

ئاڤا نیوز

 

دوای 17 ڕۆژ مانەوە و بێهێشبوون لە نەخۆشخانەیەکی زاخۆ، ئافرەتێک بەهۆی هەڵەیەکی پزیشکییەوە گیانی لەدەست دا، ئێستا بەهۆیەوە سێ کەس دەستگیرکراون کە پزیشکێک و دوو کارمەندی تەندروستی زاخۆن. 

 

چیرۆکی سەرەکی: لە نەخۆشخانەی ئافرەتان و منداڵبوونی زاخۆ، ئافرەتێک دوای لە دایکبوونی منداڵەکەی، پێویستی بە خوێن دەبێت، بەڵام بە هەڵە جۆرێکی خوێن دەکرێتە جەستەیەوە کە هاوتای خوێنی خۆی نییە و دوای 17 ڕۆژ مانەوە لە نەخۆشخانە، ئافرەتەکە گیانی لەدەست دا و حەوت منداڵی لە دوای خۆی بەجێهێشت.

 

زانیاریی زیاتر: سەرەتای ئەم مانگە شیلان ئیسماعیلی تەمەن 38 ساڵ لە نەخۆشخانەی ئافرەتان و منداڵبوونی زاخۆ، نەشتەرگەری منداڵبوونی بۆ کرا و بەهۆی تێکردنی جۆرێکی خوێنی هەڵەوە کە لە خوێنی خۆی نەبووە، دوای 17 ڕۆژ لە بێهێشبوون لە نەخۆشخانە گیانی لەدەستدا.

 

زانیاریی تایبەت: سەرچاوەیەکی تایبەت لەوباریەوە بە ئاڤا میدیای ڕاگەیاند، بەبڕیاری دادگەی زاخۆ پزیشکێک و دوو کارمەندی نەخۆشخانەی ئافرەتان و منداڵبوون دەستگیرکراون، هەروەها دوو کارمەندی دیکەش بە کەفالەت ئازادکراون و سێ کارمەندی دیکەش داواکران کە لە دادگە ئامادەبن.