توێژینەوەیەک: کاتژمێرەکانی خەوتن کاریگەری لەسەر نەخۆشییەکانی دڵ هەیە

ئاڤا نیوز

 

توێژینەوەیەکی زانستی نوێ ئاشکرای دەکات کە کەمخەوی پاڵنەرە بۆ ئەوەی مرۆڤ ڕووبەڕووی نەخۆشییەکانی دڵ و کاریگەرییە نەرێنییەکان ببێتەوە.

 

کاریگەری و لێکەوتەکان: کەمخەوی باجێکی قورس بە جەستەی مرۆڤ دەدات، درەنگ خەوتن یاخود بەئاگامانەوە بۆ ماوەیەکی درێژ بەدیار شاشەکانەوە ئەو کردارەیە کە مرۆڤ ڕووبەڕووی چەندین نەخۆشی مەترسیدار دەکاتەوە، بۆیە خەوتنی پێویست ڕێگەیەکی ئاسانە بۆ ئەوەی مرۆڤ بە سەلامەتی بمێنێتەوە. 

 

زانیاریی بەدەستهاتوو: توێژینەوەیەک لە زانکۆی ئۆپسالا لە سوید ئاشکرا کردووە، ئەنجامدانی خەوێکی خراپ پاڵنەرە بۆ نزیکبوونەوە لە نەخۆشییەکانی دڵ، هاوکات کاریگەری لەسەر تێکچوونی بۆرییەکانی خوێن و ئەگەری تووشبوون بە سستبوونی دڵ و نەخۆشییەکانی دیکە زیاد دەکات. 

 

ئەوەی لەبارەیەوە دەگوترێت: توێژەران بۆیان دەرکەوتووە گەر هاتوو مرۆڤ سێ شەوی لەسەر یەک تەنها چوار کاتژمێر بخەوێت، کاریگەریی بەرچاوی دەبێت لەسەر تووشبوونی مرۆڤ بە نەخۆشییەکانی دڵ و خوێنبەرەکان.