وەزارەتی بەرگری لەبارەی هۆکاری گیانلەدەستدانی دوو قوتابییەکە ڕوونکردنەوە دەدات

ئاڤا نیوز

وەزارەتی بەرگریی عێراق ڕوونکردنەوە لەسەر کارەکانی لیژنەی لێکۆڵینەوە لە ڕووداوی گیانلەدەستانی دوو قوتابییەکەی کۆلێژی سەربازیی ناسرییە دەدات و هۆشداری لە بڵاوبوونەوەی هەواڵی ناڕاست لەوبارەیەوە دەدات.

چیرۆکی سەرەکی: دوابەدوای گیانلەدەستدانی دوو قوتابی کۆلێژی سەربازیی ناسرییە، سەرۆکوەزیرانی عێراق فەرمانی دوورخستنەوەی بۆ سەرجەم بەرپرسانی ئەو ڕووداوە دەرکرد و هاوکات بڕیاری پێکهێنانی لیژنەیەکی لێکۆڵینەوەی دا.

ئەوەی لەوباریەوە دەگوترێت: چەندین هەواڵ لە میدیای عێراق و تۆڕە کۆمەڵایەتییەکان لەسەر دەرئەنجامەکانی ئەو لیژنەیە باس دەکرێن و چەندین کەسیش وەک تۆمەتبار لەوبارەیەوە ناویان دەهێنرێت، لەسەرووی هەمووشیانەوە ناسر غەننام، سەرۆکی ئەکادیمیای سەربازی.

ڕاگەیێنراوی فەرمی: بەگوێرەی ڕاگەیێنراوی وەزارەتی بەرگریی عێراق، لیژنەی لێکۆڵینەوە لە ڕووداوەکە لە کارەکانی بەردەوامە، ئەنجامەکەشی دوای تەواوبوونی کارەکانی لیژنەکە ڕادەگەیەنرێت.

- وەزارەتی بەرگری داوا لە هەموو دەزگا میدیاییەکان، کەناڵە ئاسمانییەکان و سەرپەرشتیارانی تۆڕە کۆمەڵایەتییەکان دەکات خۆیان لە بڵاوکردنەوەی "هەواڵی نادروست" سەبارەت بە کارەکانی لیژنەکە بەدوور بگرن.

- هەر زانیارییەک لەبارەی کارەکانی لیژنەکە و ئەنجامەکانی لێکۆڵینەوە تەنها لەڕێگەی کەناڵە فەرمییەکانی وەزارەتەوە بڵاودەکرێتەوە.

باکگراوند: ڕۆژی 21-5-2025، دوو قوتابی کۆلێژی سەربازی ناسرییە لە ئەنجامی بەرکەوتنی ڕاستەوخۆی خۆر و لەژێر تینی گەرما  بۆ ماوەی شەش کاتژمێری بەردەوام، گیانیان لەدەستدا.