درامایەک شیعەکان توڕە دەکات

ئاڤا نیوز

ژمارەیەک پەرلەمانتاری شیعە بەتۆمەتی "سووکایەتیکردن بە هێما ئاینییەکان" داوای ڕاگرتنی درامایەک دەکەن، لە بەرامبەردا دیوانی وەقفی شیعی ڕێوشوێنی یاسایی و دەستووری دژی دەگرێتەبەر.

چیرۆکی سەرەکی: "عالەم ست وەهبیە" درامایەکی عێراقییە و بەشی یەکەمی ساڵی1997 بەرهەمهێنراوە، ئەوکاتیش کێشەی هەبووە و ماوەیەک پەخشکردنی ڕاگیراوە. بەشی دووەمی مانگی ڕابردوو لە تەلەفزیۆنی utv  دەستی بە پەخش کردووە.

ڕاگەیێنراوی فەرمی:  ژمارەیەک پەرلەمانتاری شیعە لە نووسراوێکدا داوایان لە پەرلەمانی عێراق کردووە بەهۆی ئەوەی دراماکە سووکایەتی بە هێما ئاینییەکان کردووە پەخشکردنی ڕابگیرێت.

ئەوەی لەبارەیەوە دەگوترێت: دیوانی وەقفی شیعی لە ڕاگەیێنراوێکدا ڕوونی کردووەتەوە، بۆیان دەرکەوتووە "ئەکتەرانی دراماکە بە ئەنقەست سووکایەتی بە هێما ئاینییەکان" دەکەن.

زانیاریی زیاتر: دیوانی وەقفی شیعی "هەموو ڕێکارێکی دەستووری و یاسایی پێویستی" بەرامبەر دراماکە گرتووەتەبەر.