بەریتانیا بڕیاری قەدەغەکردنی جگەرەی ئەلیکترۆنی دەدات

ئاڤا نیوز

حکومەتی بەریتانیا بڕیاریداوە ڤەیپ و جگەرەی ئەلیکترۆنی قەدەغە بکات، بەدیاریکراوی ئەو جۆرە ڤەیپانەی یەك جار بەکار دەهێندرێن و دوای تەواو بوونیان فڕێ دەدرێن.

وێنەگەورەکە: بەگوێرەی ئامارەکانی حکوومەتی بەریتانیا، لە ساڵانی ڕابردوودا بەکارهێنانی ئەو جگەرە ئەلیکترۆنیانەی  کە یەكجار بەکار دەهێندرێن، لەنێوان منداڵاندا سێ هێندە زیادی کردووە، بەشێوەیەك کە لە 9%ـی ئەو کەسانەی کە تەمەنیان لەنێوان 11 بۆ 15 ساڵیدایە و ڤەیپ بەکار دەهێنن، بۆیە بڕیاری قەدەغەکردنییان دەرکردووە.

ئەوەی پێویستە بیزانیت: لە بەریتانیا، زیاتر لە پێنج ملیۆن کەس جگەرەی ئەلیکترۆنی بەکاردەهێنن، هەر لەبارەی ئەو بڕیارە پێشتر هەریەکە لە فەرەنسا، ئوسترالیا و تەنانەت عێراقیش قەدەغەیان کردووە.

کاریگەری و لێکەوتەکان: بڕیاری قەدەغەکردنی جگەرەی ئەلیکترۆنی لە بەریتانیا نابێتە هۆی ئەوەی ئامێرەکە بە تەواوی بنبڕبکات، چونکە لە بازاڕی ڕەشدا دەست دەکەوێت، هاوکات تەنیا لە ساڵی ڕابردوو، زیاتر لە یەك ملیۆن جگەرەی ئەلیکترۆنی قەدەغەکراو دەستیان بەسەر داگیراوە و ڕێژەی دەستبەسەرداگرتن 59% زیادی کردووە.