پڕۆژەی ڕووناکی هەزار و 260 مۆلیدەی کوژاندووەتەوە

ئاڤا نیوز

دوای گەیاندنی کارەبای 24 کاتژمێری بۆ ژمارەیەک گەڕەکی سەنتەری شارەکانی هەولێر، سلێمانی و دهۆک، هەزار و 260 مۆلیدە کوژاونەتەوە.

وێنە گەورەکە: ڕۆژ دوای ڕۆژ لەگەڵ فراوانتر بوونی پڕۆژەی ڕووناکی و گەیاندنی خزمەتگوزاری کارەبای 24 کاتژمێری بۆ گەڕەک و هاوبەشانی تازە، ژمارەی ئەو مۆلیدانەی کەپێشتر کاریان دەکرد کەمتر دەبنەوە.

لێدوانی فەرمی: تیمی پڕۆژەی ڕووناکی تایبەت بە ئاڤای ڕاگەیاند، لە چوارچێوەی پڕۆژەی ڕووناکی، هەزار 260 مۆلیدە کوژاونەتەوە و لە ئەنجامدا ژینگەی کوردستان پاک و ئارام بووەتەوە.

هەولێر: 1092 مۆلیدە
سلێمانی: 79 مۆلیدە
دهۆک: 89 مۆلیدە

بۆچی گرنگە: کوژانەوەی ئەو ژمارە مۆلیدەیە، لە ڕووی ژینگەیی و تەندروستییەوە قازانج و سوودی گشتی هەیە و کاریگەری ڕاستەوخۆی دەبێت لە پاککردنەوەی ژینگە.

زانیاریی زیاتر: کۆتایی ئەم مانگە ژمارەی سوودمەندانی کارەبای 24 کاتژمێری لە سەرتاسەری کوردستان دەبێتە دوو ملیۆن کەس، تاوەکو ساڵی 2026 کارەبای تەواوی شار و ناوچەکان دەبێتە 24 کاتژمێری.