کۆنفرانسی ئۆقیانووسەکان لە فەرەنسا بەڕێوەدەچێت

ئاڤا نیوز

سێیەمین کۆنفرانسی ئۆقیانووسەکان لە شاری نیسی فەرەنسا بە بەشداری ژمارەیەک لە وڵاتان بەڕێوەدەچیت.

وێنە گەورەکە: کۆنفرانسەکە لە کاتێکدایە، بەپێی ئامارەکانی دامەزراوەی پاراستنی زەریایی، تەنیا 2.7%ی زەریاکان لە چالاکییە وێرانکارییەکانی مرۆڤ پارێزراون.

زانیاریی زیاتر: ئەم ڕێژەیە زۆر کەمترە لەو ئامانجەی کە لە سەر ئاستی نێودەوڵەتی ڕێککەوتنی لەسەر کراوە بۆ پاراستنی لەسەدا 30ی زەوی و زەریاکان تاوەکو ساڵی 2030 و لەکارنامەی کۆنفرانسەکەی ئەمساڵدا پەیماننامەی پاراستنی ئاوە نێونەتەوەیییەکان پەسەند دەکرێت کە لە ساڵی 2023 واژۆ کراوە، بۆ یەکەمجارە ڕێگە بە وڵاتان دەدات ناوچەی پارێزراوی زەریایی لە ئاوە نێودەوڵەتییەکان دابمەزرێنن کە نزیکەی دوو لەسەر سێی زەریاکان دەگرێتەوە.

لێدوانی فەرمی: ئیمانوێل ماکرۆن، سەرۆکی فەرەنسا ڕایگەیاند، کەمکردنەوەی دەردانی دووەم ئۆکسیدی کاربۆن و پاراستنی ئۆقیانووسەکانمان. لێرەدا پابەندبوونی یەکێتی ئەوروپا بە پەسەندکردنی پەیماننامەکە نیشان دەدات و پاراستنی لەسەدا 30ی ناوچە دەریاییەکانمان بەکردنی بە ناوچەی پارێزراو، گۆڕانکارییەکی قووڵە و ئەوروپا نوێنەرایەتیی گەورەترین ناوچەی زەریایی جیهان دەکات.

لەلایەکی دیکەوە: هێلین بۆرگێت، وتەبێژی ڕێکخراوی گرینپیس بۆ ئۆقیانوسە نێودەوڵەتییەکان ڕایگەیاند، "سەرکردەکانی جیهان ئەمڕۆ دەرفەتێکتان هەیە بۆ ئەوەی کۆببنەوە و باوەڕی بەهێزی خۆتان بۆ پاراستنی زەریاکان دووپات بکەنەوە، پێکەوە، دەبێت پشتگیری لە ڕاگرتنی چالاکییەکانی مرۆڤ لە قووڵایی دەریاکان بکەن، ئەمە ڕوون بکەنەوە کە ئێستا و لە کۆبوونەوەی داهاتوودا بکرێتە بڕیار، چونکە ئێوە دەسەڵاتی بڕیاردانتان هەیە بۆ پاراستنی قووڵایی دەریاکان".

ئەوەی پێویستە بیزانیت: زەریاکان 50%ی ئەو ئۆکسجینانە بەرهەمدەهێنن کە پێویستمانە، بە نزیکەیی 30% دووەم ئۆکسیدی کاربۆنیش هەڵدەمژێت.