لە عێراق هەزاران تیرۆریست مووچەی خانەنشینیان بۆ بڕاوەتەوە

ئاڤا نیوز

لە عێراق هەزارن تیرۆریست مووچەی خانەنشینیان بۆ بڕاوەتەوە مووچەی هەندێکیان دەگاتە سەروو ملیۆنێک دیناری عێراقی، پەرلەمانتارێکی ڕاگرتنی مووچەی بەشێکیان ڕادەگەیێنێت.

 

وێنە گەورەکە: لەدوای ساڵی 2017ـەوە کەسوکاری بەشێک لەو تیرۆریستانەی لە ڕووبەڕوونەوە چەکدارییەکان کوژراون، لە ڕێگەی ساختەکردنی ناو و ناسنامەکانیان لە هەردوو دەزگای شەهیدان و دەستەی خانەنشینی تۆمارکراون،  جگە لە مووچەی مانگەنە لەهەموو ئەو ماف و ئیمتیازاتانەی کە کەسوکاری شەهیدان و خانەنشینان هەیانە سوودمەندبوونە.

 

بڵاوکراوەی فەرمی:  ئەمیر مەعموری، لە پۆستێکیدا لە تۆڕی کۆمەڵایەتی فەیسبووک ئاماژە بۆ ئەوە دەکات، بە هاوکاری و هەوڵی لایەنە ئەمنییەکان، دەزگای شەهیدان و دەستەی گشتیی خانەنشینی نیشتمانی، مووچە و مامەڵەی خانەنشینیی " 88 تیرۆرست لە ماوەی ئەم مانگەدا ڕاگیراوە".

 

ئەوەی لەبارەیەوە دەگوترێت: بە گوتەی ئەو پەرلەمانتارە، "یەکێک لەم تیرۆرستانە مووچەی مانگانەی 1,200,000 دیناری عێراقی بووە، کە چەندین کردەوەی ئەنجامداوە لەوانە تەقینەوە لە بابل، بەغدا و پارێزگاکانی دیکە، سەرەڕای کردنە ئامانجی هێزە ئەمنییەکان و بەکارهێنانی ئۆتۆمبێلی بۆمبڕێژکراو.

 

لەلایەکی دیکەوە: پێشتر هەر ئەو پەرلەمانتارە ڕایگەیاندبوو: "بەهەزاران کەس وەکو شەهید تۆمارکراون، یەکێک لە پارێزگاکان 25 هەزار تیرۆرست وەکو شەهید تۆمارکراون، لە پارێزگاکانی دیکەش، دوو هەزار و سێ هەزار کەس وەکو شەهید تۆمارکراون، بەکۆی گشتیی کۆی ئەوپارانەی بۆ تیرۆریستەکان خەرج کراوە زیاترە لە تریلیۆنێک و 80 ملیار دینارە".