چوار بڕیاری نوێ لەبارەی مووچەی فەرمانبەران و خانەنشینانەوە

ئاڤا نیوز

وەزارەتی دارایی و ئابووریی کوردستان بە نووسراوی فەرمی چوار بڕیاری نوێی لەبارەی مووچە بۆ فەرمانبەران و خانەنشینان دەکردووە، بەپێی یاسای خانەنشینی یەکگرتوو لە مانگی حەوتی ئەمساڵەوە سەرباری لێبڕینی 10%ـی خانەنشینی، 3%ـی دیکە لە مووچەکانیان دەبڕدرێت وەک قەرەبووی 10 ساڵی ڕابردوو کە لەو ماوەیەدا کەمتر و 7% لە مووچەی فەرمانبەران دەبڕدرا.

وێنە گەورەکە: پێشتر لە کوردستان لێبڕینی خانەنشینی 7% بوو، بەڵام دوای هاوتاکردنی مووچەی خانەنشینانی کوردستان لەگەڵ عێراق کە لە 2024-06-01ـەوە لە هەرێمی کوردستان جێبەجێ کرا، بەپێی یاسای خانەنشینی یەکگرتووی عێراق کە لە ساڵی 2014ـەوە دەرچووە لێبرێنی مووچە بۆ خانەنشینی 10% یە و فەرمانبەران و خانەنشینانی هەرێمی کوردستان دەبێت قەرەبووی ئەو چەند ساڵەی ڕابردوو بکەنەوە و مانگانە بڕێک لە مووچەکەیان دەبڕدرێت.

زانیاریی تایبەت: سەرچاوەیەک لە وەزارەتی دارایی و ئابووری بە ئاڤای گوت، "لە ئامادەکردنی لیستی مووچەی مانگی شەشدا لێبڕینی 3% ناکرێت، بەڵام لە مانگی حەوتەوە ئەو پڕۆسەیە دەستپێدەکات و سەرجەم مووچەخۆران دەگرێتەوە."

شێوازی جێبەجێکردن: لێبڕینەکە مووچەی سەرجەم فەرمانبەران و خانەنشینانی هەرێمی کوردستان دەگرێتەوە، لە 1-1-2014ـەوە تاوەکو 30-6-2024 دەبێت هەموو فەرمانبەر و خانەنشینێک بەپێی یاساکەی عێراق 3% لە مووچەکەی دەگێڕدرێتەوە وەک قەرزێک لەسەریان، قەرزەکەش بۆ فەرمانبەران بە سێ ساڵ و بۆ خانەنشینان بە پێنج ساڵ وەردەگیرێتەوە و مانگانە جگە لە لێبڕینی خانەنشینی، بڕێکی دیکە لە مووچەکەی وەک قەرەبووی ئەو ساڵانەی کەڵەکەبووە دەبڕدرێت.