لە نۆ پارێزگای عێراق پلەکانی گەرما دەگەنە نیوەی پلەی کوڵان

ئاڤا نیوز

دەستەی کەشوهەوای عێراق پێشبینی دەکات ڕۆژی هەینی لە نۆ پارێزگای وڵاتەکە پلەکانی گەرما بەشێوەیەکی بەرچاو بەرزببنەوە و بگەنە نیوەی پلەی کوڵان.

وێنە گەورەکە: هەرچەندە تائێستا وەرزی هاوین لە عێراق و هەرێمی کوردستان دەستیپێنەکردووە، بەڵام پلەکانی گەرما لە باشووری عێراق لە 50 پلەی سیلیزی نزیک بوونەتەوە، پێشبینیش دەکرێت لە هەفتەی داهاتووەوە پلەکانی گەرما زیاتر بەرزببنەوە.

ڕاگەیێنراوی فەرمی: دەستەی کەشوهەوای عێراق بڵاویکردەوە، سبەی هەینی لە بەغدای پایتەخت و هەشت پارێزگای دیکە پلەکانی گەرما دەبنە 49 پلەی سیلیزی، لە دهۆکیش 41 پلەی سیلیزی دەبێت کە نزمترین پلەی گەرمی پێشبینیکراوە لە سەرانسەری وڵاتدا.