بەهای دیناری عێراقی بەرامبەر دۆلاری ئەمریکی دابەزی

ئاڤا نیوز

بەهای دیناری عێراقی و تمەنی ئێرانی بەرامبەر بە دۆلاری ئەمریکی گۆڕانکاری بەرچاویان بەسەرداهات، وتەبێژی بازاڕی دۆلاری هەولێر دەڵێت 'بەهای دینار بەرامبەر دۆلار دوو هەزار دینار دابەزیوە'.

لێدوانی فەرمی: کەیفی خۆشناو، وتەبێژی بازاڕی دۆلاری هەولێر بە ئاڤا میدیای ڕاگەیاند: 100 دۆلاری ئەمریکی بە 144،100 هەزار دیناری عێراقی مامەڵەی پێوە دەکرێت، واتە چوار هەزار دینار نرخی دۆلار بەرامبەر دینار بەرزبووەتەوە. پێشبینیش دەکەین هەر ئەمڕۆ بگاتە 145 هەزار دینار.

"کەمکردنەوەی کارمەندەکانی باڵوێزخانەی ئەمریکا لە بەغدا و گرژییەکانی ناوچەکە کاریگەری ڕاستەوخۆیان لەسەر بەرزبوونەوەی بەهای دۆلار بەرامبەر دینار دەبێت".

"ئەگەر کۆبوونەوەی ڕۆژی یەکشەممەی نێوان ئەمریکا و ئێران لە عەمان ئەنجامی نەبێت، ئەوا بەهای دۆلار زیاتر بەرزدەبێتەوە، پێشبینی دەکەین 100 دۆلاری ئەمریکی بگاتە سەرووی 150 هەزار دیناری عێراقی".

"100 دۆلاری ئەمریکی بە حەواڵەوە بە هەشت ملیۆن و 300 هەزار تمەن، بە کاشیش بە حەوت ملیۆن و 900 تمەن مامەڵەی پێوە دەکرێت، 200 هەزار تمەن بەراورد بە ڕۆژی چوارشەممە بەهای تمەن دابەزیوە".