لە هەولێر بەهۆی ناسەقامگیری كەشوهەوا دەكرێتە پشوو

ئاڤا نیوز

بەهۆی ناسەقامگیری کەشوهەوا و لەپێناو پاراستنی گیانی هاوڵاتییان، لە هەولێر ڕۆژی چوارشەممە  20-3-2024 کرا بە پشووی فەرمی.

ڕاگەیێنراوی فەرمی: بە هۆی ناسەقامگیری ڕەوشی کەش و هەوا و لەپێناو پاراستن و سەلامەتی گشتیی و ماندوبوونی تیمەکان و سەرقاڵی و ئامادەکاریی هاوڵاتییان بۆ جەژنی نەورۆز و سەری ساڵی کوردی، بڕیارماندا ڕۆژی چوارشەممە 20-3-2024، لە سەرجەم فەرمانگە و دام و دەزگا و دامەزراوەکانی سنووری پارێزگای هەولێر بکرێتە پشوو. پارێزگای هەولێر ئەمەی ڕاگەیاندووە.

لەلایەکی دیکەوە: هەر بە هەمان هۆکار، لە هەریەک لە پارێزگای دهۆک و ئیدارەی سەربەخۆی زاخۆ و پارێزگای کەرکووک ڕۆژی چوارشەممە 20-3-2024 کراوە بە پشووی فەرمی.

ئەوەی پێویستە بیزانیت: بەهۆی ئەو بارانە بەخوڕەی هەرێمی کوردستانی گرتووەتەوە، لە دهۆک سێ کەس گیانیان لەدەستداوە و زیاتر لە 100 ماڵ زیانیان بەرکەوتووە.

 ئەوەی پێشبینی دەکرێت: لە ڕۆژی دووشەممەی ئەم هەفتەیەوە، شەپۆلێکی باران بارینی بەهێز ناوچە جیاوازەکانی هەرێمی کوردستانی گرتووەتەوە، پێشبینی دەکرێت تا کۆتایی ئەم مانگە بەشێوەی پچڕ پچڕ بەردەوام بێت.