لە کەرکووک 11 ئەندامی داعش دەستگیرکران

ئاڤا نیوز

 

دژەتیرۆری عێراق دەڵێت، تۆڕێکی چەکدارانی داعشمان لە سنووری پارێزگای کەرکووک دەستگیرکرد.

 

وێنە گەورەکە: جوڵەی چەکدارانی داعش لە ناوچە جێناکۆکەکان، بە تایبەت لەو شوێنانەی بۆشایی ئەمنی هەیە چالاک بووەتەوە، تەنیا لە کەرکووک لە ماوەی 10 ڕۆژدا 14 ئەندامی داعش دەستگیرکراون.

 

ڕاگەیێنراوی فەرمی: لە ڕاگەیێنراوی دژەتیرۆری عێراق ئاماژە بەوە دراوە، ئەو باندە تیرۆرستییە لەکاتی لێکۆڵینەوە دانیان بە تاوانەکانیان ناوە و"پێشووتر بەشداری هێرشەکانی ئەو ڕێکخراوەیان لە سنووری کەرکووک کردووە."
 
ئەوەی پێویستە بیزانیت: بە پاساوی لاوازبوونی داعش، ئەنجوومەنی نوێنەرانی عێراق و لایەنە عێراقییە شیعەکان داوا دەکەن سوپای ئەمریکا و هاوپەیمانان عێراق جێبهێڵن، بەڵام ئەو ئۆپەراسیۆنانە دەریدەخات کە هێشتا داعش لەسەر عێراق مەترسییە.