ئەمریکا پێشنیازی جێگرەوەی هێرشی سەر ڕەفە‌ح دەداتە ئیسرائیل

ئاڤا نیوز

 

ئیسرائیل سوورە لەسەر ئەنجامدانی هێرشی زەمینی بۆ سەر شاری ڕەفەح لە غەززە؛ هاوکات ئەمریکا لە گوشارەکانی بۆ پاشگەزکردنەوەی ئیسرائیل بەردەوامە و چەند پێشنیازێکی بۆ ئامادە کردووە.

 

وێنە گەورەکە: ئیدارەی بایدن چەند چارەسەرێکی جێگرەوە لەبڕی هێرشکردنە سەر ڕەفە‌ح دەداتە ئیسرائیل؛ بڕیارە پێشنیازەکان بە فەرمی لە کاتی سەردانی شاندێکی ئیسرائیل بۆ ئەمریکا پێشکەش بکرێن.

 

ئەوەی پێویستە بیزانیت: یەکێک لە پێشنیازە جێگرەوەکان ئەوە دەبێت کە ئیسرائیل هێرشی سەر ڕەفەح "دوا بخات" تا ئەو کاتەی چەندین شێڵتەر دروست بکرێن بۆ ئەوەی پێش هێرشەکە کەسانی مەدەنی نێو ڕەفە‌حیان بۆ بگوازرێتەوە.

 

زانیاریی زیاتر: بیرۆکەیەکی دیکەی ئەمریکا ئەوەیە کە ئەمریکا، میسر و ئیسرائیل پێکەوە کار بکەن بۆ رووخاندنی توونێلەکانی ‌حەماس لە سنووری نێوان غەززە و میسر، ئەمەش بۆ گەرەنتیکردنی ئاسایشی سنوور و ڕێگریکردن لە بەقاچاخبردنی چەک بۆ نێو غەززە.