ئالووسی: ئێران دەیەوێت لە هەرێمی کوردستان حکومەت لەژێر چاودێریی خۆیدا پێکبێت

ئاڤا نیوز

 

ئێران دەیەوێت لە هەرێمی کوردستان حکومەت لەژێر چاودێری خۆیدا پێکبهێنرێت و ئالووسی ڕایگەیاندووە، کە سەرۆک بارزانی و سەرۆکوەزیران بارزانی ڕێگربوون لە فراوانبوون و هەڵکشانی هەژموونی ئێران لە هەرێمی کوردستان.

 

لێدوانی فەرمی: میسال ئالووسی، ئەندامی پێشووی پەرلەمان و سەرۆکی حیزبی ئوممەی عێراقی ڕایگەیاند: "ئێران لە ناوچەکەدا یاری دەکات، بێ توانایی واشنتنی لە جێبەجێکردنی بڕیارە ئازایانەکان بەهۆی هەڵبژاردنی سەرۆکایەتییەوە قۆستووەتەوە و دەیەوێت لە هەرێمی کوردستان حکومەتێک پێکبێت نزیک بێت لێیەوە".

 

زانیاریی زیاتر: ئەو پەرلەمانتارە پێیوایە بڕیارەکانی دژی هەرێمی کوردستان بۆ ئەوەیە حکومەتێک لەژێر چاودێریی ئێراندا پێکبهێنرێت، ئەو هەوڵانەش لە سلێمانی لە شەو و ڕۆژێکدا سەردەگرن، بەڵام لە هەولێر جێبەجێکردنی ئەو مەرامە بەهۆی بەهێزی ئێستای حکومەتی هەرێمی کوردستانەوە قورسە.