زیاتر لە هەزار و 600 تووشبووی تالاسیما داوای وەرگرتنی زەوی دەکەن

ئاڤا نیوز

تووشبووانی تالاسیما لە پارێزگاکانی هەرێمی کوردستان داوای وەرگرتنی زەوی دەکەن، وەزارەتی کاریش دەڵێت: نووسراومان ئاراستەی وەزارەتی شارەوانی کردووە.

 

وێنە گەورەکە: 17 ساڵ پێش ئێستا لە کۆی سێ هەزار و 519 تووشبووی تالاسیما 775 یان بە چەند وەجبەیەک زەوییان وەرگرتووە، ئەوانە کە ماون دەیانەوێ لەگەڵ فەرمانبەران و خانەنشینان زەوی بۆ ئەوانیش دابین بکرێت.

 

لێدوانی فەرمی: ئاریان ئەحمەد، وتەبێژی وەزارەتی کار و کاروباری کۆمەڵایەتی بە ئاڤای گوت، "دوو نووسراومان ئاڕاستەی وەزارەتی شارەوانی و گەشتوگوزار کردووە، داواکاریمان ئەوەبووە نەک تەنیا تووشبووانی تالاسیما پرۆسەی دابەشکردنی زەوی سەرجەم خاوەن پێداویستییەکانی هەرێمی کوردستان بگرێتەوە."

 

ژمارەکان وادەڵێن: سێ هەزار و 519 تووشبووی تالاسیما لە هەرێمی کوردستان بەمشێوەیە بەسەر پارێزگاکاندا دابەش دەبن:-

هەولێر: هەزار و 200 تووشبوو، 90 خانەوادە زەوییان پێدراوە.

سلێمانی و هەڵەبجە: سێ هەزار و 389 کەس، 360 کەس زەوییان وەرگرتووە.

دهۆک: 930 تووشبوو لە کۆمەڵەکان تۆمارکراون، 326 کەس زەوییان وەرگرتووە.