ئیسرائیل دەست بۆ ‌هێڵی سووری ئێران دەبات

ئاڤا نیوز 

دوای ئەوەی ئێران بەتووندی وەڵامی ئیسرائیلی دایەوە و سەدان مووشەکی ئاڕاستەکرد، لە وەڵامدا ئیسرائیل جگ لە بنکە سەربازییەکان و وێستگە ئەتۆمییەکان و بۆ یەکەمجار هێرشی کردە سەر ژێرخانی وزەی ئێران کە نەوت و گازن. 

 

چیرۆکی سەرەکی: ڕۆژی 13ی ئەم مانگە ئیسرائیل هێرشێکی چڕی کردە سەر ئێران و دەیان فەرماندە و زانای ئەتۆمی کوشت، بزیکەی 5 ڕۆژە جەنگەکە بەردەوامە و لە نوێترین هێرشی ئیسرائیل کێڵگەی غازی پارس کردووەتە ئامانج کە دەکەوێتە نێوان ئێران و قەتەر.

 

زانیاریی بەدەستهاتوو: میدیاکانی ئێران ڕایانگەیاند، ئێران ئیسرائیل هێرشی کردووەتە سەر کێڵگەی گازی پارس و و بەرهەمهێنانی پەکخستووە. 

 

ئەوەی پێویستە بیزانیت:   ئێران سێیەم وڵاتی جیهانە لە بەرهەمهێنانی غازی سروشتیدا،  سەدا 10ی یەدەگی گازی سروشتی جیهان لەم کێڵگەیەدایە، هەروەها سەدا شەش و نیوی گازی سروشتی جیهان لەم کێڵگەیە دابین دەکرێت.

لەلایەکی دیکەوە: %66ی کۆی ئەو گازەی ئێران بەرهەمی دەهێنێت لەم کێڵگەیەوەیە.