نەورۆز لە نەجەف پیرۆز دەکرێت

ئاڤا نیوز

جیاواز لە ناوچەکانی هەرێمی کوردستان، لە پارێزگای نەجەف لە عێراق ئامادەکاری بۆ ئاهەنگی نەورۆز دەکرێت و ڕێوشوێنی ئەمنیی گیراوەتەبەر.

لێدوانی فەرمی: عەقید موفید تاهیر گوتەبێژی فەرماندەیی پۆلیسی پارێزگای نەجەف ڕایگەیاند: پلانێکی ئەمنیمان داڕشتووە بۆ ڕۆژی 21-3 کە جەژنی نەورۆزەو عێراقییەکان لەو ڕۆژەدا ئاهەنگ دەگێڕن بەبۆنەی چوونە ناو وەرزی بەهارەوە.

ئەوەی پێویستە بیزانیت: لەو ڕۆژەدا، زیارەتکاران و دانیشتوانی نەجەف سەردانی مەزارگەی ئیمام عەلی و گۆڕستانی وادی سەلام دەکەن، ڕێوڕەسمەکانی ئمەساڵی نەورۆز لەنەجەف بەبۆنەی مانگی ڕەمەزانەوە بەشەودا دەکرێن، خەڵکی نەجەف بەیەک ڕۆژی بەهار دەڵێن دخول واتە ساڵ دەچێتە ناو وەرزی بەهارەوە و کەشووهەوا گۆڕنای بەسەر دێت.

لەلایەکی دیکەوە: وا باوە خەڵک لە ماڵەوە سینییەک خواردن ئامادە دەکەن و ناوی خواردنەکانیش پیتی یەکەمیان بە س دەستپێدەکات، مۆم دادەگیرسێنن، ماسییەکی بچووک بە دەرگای حەوشەوە هەڵدەواسرێت بەمانای ئەوەی چانس دەهێنێت بۆ هەرکەسێک ئەو کارە بکات.

باکگراوند: ڕۆژی 3/21  ھەموو ساڵێک لە مێژووی کورددا بە جەژنی نەورۆز دەناسرێت، نەریتێکی کۆنە کە لەلایەن زۆر نەتەوە و گەلی جۆراوجۆرەوە (وەک کورد، فارس، ئەفغان و ئوزبەک) بە شێوەی جۆربەجۆر پیرۆز دەکرێت. ڕەگ و ڕیشەی دەگەڕێتەوە بۆ سەردەمانی پێش لە مێژوو.