هاکان فیدان: لەگەڵ عێراق هەنگاوی واقیعیمان لەبارەی پەکەکە ناوە

ئاڤا نیوز

 

عێراق پەکەکەی خستووەتە لیستی گرووپە قەدەغەکراوەکانەوە و تورکیا بەم بڕیارە دڵخۆشە؛ وەزیری دەرەوەی تورکیاش دەڵێت، هەنگاوەکە واقیعییە و لەگەڵ عێراق ناویانە. 

 

چیرۆکی سەرەکی: دوای ئەوەی حکومەتی عێراق پارتی کرێکارانی کوردستان (پەکەکە)ـی وەک ڕێکخراوێکی قەدەغەکراو ناساند، بەرپرسانی باڵای تورکیا بە هەنگاوێکی واقیعی ناویان برد.

 

لێدوانی فەرمی: هاکان فیدان، وەزیری دەرەوەی تورکیا لە ڕێوڕەسمێکی بەربانگدا لە شاری کیرشەهیر ڕایگەیاند: “سەروەری تورکیا دەپارێزین، ڕێگە نادەین یاریی بە وڵات و ناوچەکەمان بکرێت”.

 

زانیاریی زیاتر: تورکیا پێیوایە پەکەکە و داعش هەڕەشە لە ئاشتی ئەوان و “براکانیان” لە ناوچەکە دەکەن، بۆ ئەمەش هەنگاوی جددی دەنێن و ڕێگرییان لێدەکەن.