سەرچاوەیەک لە ئەنجوومەنی وەزیران: هەواڵی سەردانی سوودانی بۆ هەولێر ڕاست نییە

ئاڤا نیوز

هەواڵی سەردانی محەممەد شیاع سوودانی بۆ هەولێر و بەشداریکردنی لە ئێوارەخوانەکەی چیای کۆڕەک ڕەتدەکرێتەوە.

چیرۆکی سەرەکی: ئێوارەی ئەمڕۆ بەبۆنەی جەژنی نەورۆز، سەرۆکوەزیران بارزانی لە چیای کۆڕەکی گەشتیاری خوانێکی بەربانگ بۆ سەرجەم باڵیۆز، کونسوڵ و نوێنەرانی وڵاتان لە عێراق و هەرێمی کوردستان ساز دەکات و 120 میوان بەشدار دەبن.

ئەوەی لەبارەیەوە دەگوترا: بەشێک لە میدیاکانی کوردستان و عێراق هەواڵی سەردانی محەممەد شیاع سوودانی، سەرۆکوەزیرانی عێراقیان بۆ هەولێر و بەشداریکردن لە ئێوارەخوانەکە بڵاوکردەوە، تەنانەت بەشێکیان بڵاویانکردەوە کە گەیشتووەتە فڕۆکەخانەی هەولێر.

زانیاریی تایبەت: چەند سەرچاوەیەک لە ئەنجوومەنی وەزیرانی هەرێمی کوردستان بە ئاڤا نیوزیان گوت: هەواڵی سەردانی سوودانی بۆ هەولێر ڕاست نییە، سوودانی نەگەیشتووەتە هەولێر و بڕیاریش نییە ئەمڕۆ سەردانی هەولێر بکات.

بۆچی گرنگە: خوێنەرانی ئاڤا نیوز شایستەی هەواڵی ڕاست و دروستن، بۆیە سەرجەم هەواڵەکانی لە چەند سەرچاوەیەکی تایبەت و متمانەپێکراو پشتڕاست دەکاتەوە.