شێخ دارا هۆشداری دەدات؛ پلەکانی گەرما دەگاتە 45 پلەی سیلیزی

ئاڤا نیوز

بەگوێرەی پێشبینی کەشناسان پلەکانی گەرما لە هەفتەی داهاتووەوە زیاد دەبێت، شێخی کەشوهەواش هۆشداری ناخۆش لەوبارەیەوە دەدات و  دەڵێت "پلەی گەرما دەگاتە 44 بۆ 45 پلەی سلیزی".

لێدوانی فەرمی: شێخ دارا، پێشکەشکاری کەشوهەوای ئاڤا میدیا ڕایگەیاند: هەفتەی داهاتوو ئەگەری بەرزبوونەوەی پلەکانی گەرما بۆ 44 تا 45 پلە هەیە، لە هەولێر و کەرکووک و ئیدارەی گەرمیانیش بەرزترین پلەی گەرما 47 بۆ 48 پلە تۆمار دەکرێت.

بەوتەی شێخ دارا، لە هاوینی ئەمساڵ لەسەرانسەری عێراق، بەرزترین پلەی گەرما لە خانەقین تۆمار دەکرێت و دەگاتە 53 پلە.

زانیاریی زیاتر: بەرزترین و نزمترین پلەی گەرما لە شارەکانی هەرێمی کوردستان بەم جۆرەی خوارەوەیە.

هەولێر: بەرزترین پلە 41 و نزمترین 30 پلەیە.

سلێمانی: بەرزترین پلە 39 و نزمترین 25 پلەیە.

دهۆک: بەرزترین پلە 35 و نزمترین 21 پلەیە.

هەڵەبجە: بەرزترین پلە 40 و نزمترین 28 پلەیە.

کەرکووک: بەرزترین پلە 43 و نزمترین 31 پلەیە.

زاخۆ:  بەرزترین پلە 39 و نزمترین 24 پلەیە.

گەرمیان: بەرزترین پلە 46 و نزمترین 31 پلەیە.

سۆران: بەرزترین پلە 36 و نزمترین 18 پلەیە.

ڕاپەڕین: بەرزترین پلە 38 و نزمترین 24 پلەیە.

حاجی ئۆمەران: بەرزترین پلە 24 و نزمترین 12 پلەیە.