توركیا  سنووری گوندێكی ئامێدی بۆردوومان دەكات

ئاڤا نیوز

لە گوندی سەرگەلێی سنووری ئامێدی شەڕێکی سەخت نێوان تورکیا و پەکەکەدا ڕوویدا، تورکیا چەند جارێک سنووری گوندەکەی بۆردوومان کردووە.

چیرۆکی سەرەکی: بەپێی زانیاری نیهاد حسێن، پەیامنێری ئاڤا نیوز لە ئامێدی، لە بەیانی ئەمڕۆ و تاوەکو سەر لە ئێوارە تورکیا 20 گوللە تۆپی ئاراستەی سنووری گوندی سەرگەلێ کردووە.

زانیاريی زیاتر: تۆپبارانەکە لە ئەنجامی شەڕێکی سەختی نێوان تورکیا و پەکەکە بووە، کە ئەمرۆ لە سنووری گوندەکە ڕوویداوە و تا کاتە دەنگەکانی سەر لە ئێوارە شەڕەکە بەردەوام بووە.

زانیاریی بەدەستهاتوو: لەبارەی شەڕ و تۆپارانەکەوە هاونیشتیمانیەکی گوندەکە بە ئاڤا نیوزی گوت: بە درێژایی ئەمڕۆ دەنگی شەڕ و بۆردوومان لە سنووری گوندەکەیان بیستراوە و ترسێکی زۆر لە لای گوندنشینان درووستكردووە.

لە لایەکی دیکەوە: تاوەکو ئێستا تورکیا و پەکەکە هیچ زانیارییەکیان لەبارەی شەڕ و ژمارەی قوربانیان بڵاونەکردووەتەوە.