113 ملیار دۆلار لە بەهای کۆمپانیای ئەپڵ کەم دەبێتەوە

ئاڤا نیوز

داواکارییە نوێیەکەی وەزارەتی دادی ئەمریكا لە دژی ئەپڵ، هەڕەشە لە دروستکردنی ئایفۆن دەکات؛ بەشێوەیەک بەهۆی گومان لە شێوازی دروستکردنەکەی تا ئێستا 113 ملیار دۆلار لە بەهای کۆمپانیاکە هاتووەتە خوارەوە. 

هۆکارە زانراوەکان: لە ئەمریکا وەزارەتی داد و 16 داواکاری گشتی سکاڵا لەسەر کۆمپانیای ئەپڵ تۆمار دەکەن، بەهۆی پێشێلکردنی یاساکانی قۆرخکاری؛ بە هەمان شێوە لە ئەوروپا کۆمپانیاکە ڕووبەڕووی لێکۆڵینەوە دەبێتەوە کە ئایا پابەندە بە یاسای نوێی بازاڕە دیجیتاڵییەکان.

ئەوەی پێویستە بیزانیت: بەهۆی پاڵەپەستۆی بەردەوام تەنیا لە دادگەییەکەی دوێنێ داهاتی کۆمپانیاکە بەڕێژەی 4.1% دابەزی کە دەکاتە 113 ملیار دۆلاری ئەمریکی.

زانیاريی زیاتر: کۆمپانیای ئەپڵ خاوەنی دوو تریلیۆن و 650 ملیار دۆلاری ئەمریکییە؛ بەهۆی سکاڵا بەردەوامەکان لە وەزارەتی دادەوە لە سەرەتای ساڵەوە تا ئێستا داهاتی کۆمپانیاکە لە 11% کەمی کردووە.