شاندی باڵای کوردستان لەگەڵ ئەنجوومەنی ئابووری عێراق کۆبوونەوە

ئاڤا نیوز

شاندى هەرێمى کوردستان لە بەغداد لەگەڵ ئەنجوومەنى ئابووریى عێراق کۆبوونەوە و دەرەنجامەکەی سبەی لە کۆبوونەوەی ئەنجوومەنی وەزیرانی عێراق هەڵوەستەی لەسەر دەکرێت.

چیرۆکی سەرەکی: چەند ڕۆژێکە شاندی هەرێمی کوردستان لە بەغدایە، ژمارەیەک کۆبوونەوەیان لەگەڵ کۆمپانیاى سۆمۆ، نوێنەرى وەزارەتى نەوت، نووسینگەى سەرۆکوەزیرانى عێراق ئەنجامداوە، بەو ئامانجەی بگەنە خاڵی ڕێککەوتن و کێشەی مووچە و هەناردەی نەوت چارەسەر بکرێت.

زانیاریی بەدەستهاتوو: بەگوێرەی بەدواداچوونی ئاڤا، ئەمڕۆ دووشەممە شاندى هەرێمى کوردستان لەگەڵ ئەنجوومەنى ئابووریى عێراق کۆبوونەوە و بڕیارە لە کۆبوونەوەى سبەى ئەنجوومەنى وەزیرانى عێراق هەڵوەستە لەسەر گفتوگۆکانی نێوان شاندى هەرێمى کوردستان و حکومەتى فیدراڵ بکرێت.

ئەمەش بزانە: ئەمڕۆ ناوەڕۆکی ئەنجامی کۆبوونەوەکانی نێوان شاندی هەرێمی کوردستان و بەرپرسانی عێراق، لە کۆبوونەوەکەی ئەنجوومەنی باڵای ئابووریی عێراق بە سەرۆکایەتیی فوئاد حوسێن و بەشداریی وەزیرانی دارایی و بازرگانی و کشوکاڵی عێراق و سەرۆک و پارێزگاری بانکی مەرکەزی و دەستەی وەبەرهێنانی عێراق تاوتوێ دەکرێت.