سبەی بانکە حکومییەکان مامەڵەی کەس ڕایی ناکەن

ئاڤا نیوز

هەموو ساڵێک بانکە حکومییەکان دوو ڕۆژ مۆڵەتیان هەیە و دەرگای بانک دادەخەن، سبەی 1ـی 7 بۆ تەرازووی پێداچوونەوەی نیو ساڵ، بانکەکان مامەڵەی کەس ڕایی ناکەن.

وێنە گەورەکە: بانکە حکومییەکان، ساڵانە شەش مانگ جارێک دەرگای بانک دادەخەن و پێداچوونەوە بە خشتەی هاوسەنگی نیوەی ساڵەکە دەکەن. هیچ مامەڵەیەکی هاونیشتمانیان ڕایی ناکرێت.

زانیاری بەدەستهاتوو: سەرچاوەیەک لە بانکی فیدراڵی هەولێر بە ئاڤا میدیای ڕاگەیاند، سبەی سێشەممە 2025-07-01، دەرگای بانکەکان داخراو دەبن، تەنیا کارمەندان دەوام دەکەن و مامەڵەی کەس ڕایی ناکرێت، ئەمەش بۆ تەرازووی پێداچوونەوەی نیو ساڵە. ئەم ڕێکارە لە کۆتایی ساڵیش جێبەجێ دەکرێت واتا ڕۆژی 1-1ـی هەموو ساڵێک.

لەلایەکی دیکەوە: ئاڤا پەیوەندی کرد بە بانکی جیهان بۆ ئەوەی دڵنیا بێتەوە لەوەی ئەم پشووە بانکە ئەهلییەکان دەگرێتەوە یان نا، بەشی پەیوەندییەکانی بانکی جیهان دەڵێن، هیچ ڕێنماییەکمان نییە سبەی مامەڵەی هاونیشتمانیان ڕایی نەکرێت، بۆیە سبەی دەوامی بانک ئاساییە.