کاریگەرییە ئەرێنی و نەرێنییەکانی خەوتن لەبەردەم پانکە و ئامێرە فێنککەرەوەکان

ئاڤا نیوز

 

لەگەڵ هاتنی وەرزی هاوین و بەرزبوونەوەی پلەکانی گەرما، هەموومان پەنا بۆ ئامێرە فێنککەرەوەکان دەبەین و لەبەردەمیان دەخەوین، بەڵام بەشێكی زۆر لە خەڵكی بێ ئاگان لە کاریگەرییە نەرێنییەکانی خەوتن لە بەردەم ئەو ئامێرانە؛ پزیشكێک کاریگەرییە ئەرێنی و نەرێنییەکانی دەخاتەڕوو.

 

لێدوانی فەرمی: سێرگی ڤیشتۆمۆڤ، پزیشکی هەناوی دەڵێت، خەوتن لە ژێر پانکەدا بیرۆکەیەکی باشە، بەڵام چەند خاڵێک هەیە کە دەبێت لەبەرچاو بگیرێت بۆ دوورکەوتنەوە لە دەرئەنجامە نەرێنییەکانی.

 

خاڵە ئەرێنییەکان: سوودەکانی خەوتن لە بەردەم پانکە و ئامێرە فێنککەرەوەکان ئەمانەن:

-هەستکردن بە فێنکی و ئەنجامدانی خەوێکی خۆشتر.
- شێی ژوورەکە کەم دەکاتەوە.
-دەنگی پانکە یارمەتیدەرە بۆ ئەوەی خێراتر بخەوین.

 

خاڵە نەرێنییەکان: سەرباری ئەو سوودانە، سێرگی ڤیشتۆمۆڤ کاریگەرییە نەرێنییەکانی خەوتن لە بەردەم پانکە دەخاتەڕوو:

-پانکە، قوڕگ و لووت وشک دەکاتەوە و هەناسەدان قورستر بکات.
-زیان گەیاندن بە ماسوولکەکان بەهۆی ساردی 'با'ـی پانکەکە.
- هەوکردنی درێژخایەنی جیوبەکان و هەستیاریی لووت توندتر دەکات.