سەنتەری چارەسەر کردنی شێرپەنجە لە نەخۆشخانەی ڕزگاری دەبێتە ئەندام لە ڕێکخراوێکی نێودەوڵەتی

ئاڤانیوز

سەنتەری چارەسەری گرێ و شێرپەنجە لە نەخۆشخانەی ڕزگاری شاری هەولێر بووە ئەندام لە یەکێتیی چارەسەرکردن و کۆنترۆلکردنی نەخۆشی  شێرپەنجەی جیهانی.

چیرۆکی سەرەکی: زیاتر لە ساڵێک و سێ مانگە سەنتەری چارەسەری گرێ و شێرپەنجە لە نەخۆشخانەی ڕزگاری لەگەڵ ئەو ڕێکخراوە نێودەوڵەتییە کاری هاوبەش و هەماهەنگی دەکات بۆ بوونە ئەندام لەو ڕێکخراوە.

لێدوانی فەرمی: د. باساک بەرزنجی، بەڕێوەبەری سەنتەری چارەسەری گرێ و شێرپەنجە گوتی: بوونە ئەندام لەم ڕێکخراوە نێودەوڵەتییە گرنگی زۆری دەبێت لە ئامادەکردنی پرۆتۆکۆڵ و ڕاهێنان و توێژینەوە بۆ چارەسەر کردنی نەخۆشی شێرپەنجە.

ئەوەی پێویستە بیزانیت: یەکێتی چارەسەرکردن و کۆنترۆلکردنی نەخۆشی  شێرپەنجەی جیهانی ڕێکخراوێکی نێودەوڵەتییە و بارەگای لە وڵاتی سویسرایە، هەزار و 400 سەنتەر و نەخۆشخانە لە 172 وڵات ئەندامی ئەو ڕێکخراوەن.