قوتابییەکی کورد هەڵەیەک لە کتێبێکی پزیشکیی جیهانیدا دەستنیشان دەکات

ئاڤا نیوز

قوتابییەکی کوردی زانکۆی ڕاپەڕین هەڵەیەکی پزیشکیی لەسەر دەرمانێکی چەوری لە کتێبێکی پزیشکیدا دەدۆزێتەوە و ئەو دەزگایە ئاگادار دەکاتەوە کە کتێبەکەی بڵاوکردووەتەوە.

چیرۆکی سەرەکی: قوتابییەکەی زانکۆی ڕاپەڕین لە یازدەیەمین وەشانی کتێىی لەوس مێدیکەل سێرجیکەڵ نێرسینگ (Lewis’s Medical-Surgical Nursing eleventh edition) هەڵەکەی دۆزیوەتەوە، لەلاپەڕەیەکی کتێبەکەدا باس لە جۆرە دەرمانێک دەکات بۆ کەمکردنەوەی چەوری بەکار دێت و دەڵێت: کاریگەریی لەسەر چەوری زیانبەخشی جۆری LDL نییە، قوتابییەکەش بە پشتبەستن بە سەرچاوە زانستیییەکان سەلماندوویەتی کە کاریگەریی لەسەر چەورییەکە هەیە.

لێدوانی فەرمی: ژیوار حەسەن، قوتابی کۆلێژی پەرستاری لە زانکۆی ڕاپەڕین بە ئاڤای ڕاگەیاند: خەریکی خوێندنەوەی کتێبە پزیشکییەکە بووم و هەڵەکەم دەستنیشان کرد، ڕاستەوخۆ دەزگای (Elsevier)ـی هۆڵەندیم ئاگادار کردەوە کە کتێبەکەیان چاپ کردووە، بەمەش لە وەشانی دوازدەیەمینی کتێبەکەدا زانیارییەکە نوێ کراوەتەوە و هەڵەکەیان لابردووە.

لەلایەکی دیکەوە: لە بەرامبەر ڕاستکردنەوەی هەڵە پزیشکییەکە، دەزگاکە بە ئیمەیلێک سوپاسی ئەو قوتابییە کوردە دەکات، چونکە هەڵەکە بەسەر دەزگایەکی گەورەی پزیشکیدا تێپەڕیوە و گەنجێک دەستنیشانی کردووە.