گۆڕێکی بەکۆمەڵ لە یەکێک لە بیابانەکانی لیبیا دۆزرایەوە

ئاڤا نیوز

گۆڕێکی بەکۆمەڵ کە تەرمی 65 کۆچبەری نەناسراوی تێدابووە لە یەکێک لە بیابانەکانی لیبیا دۆزرایەوە. 

 

چیرۆکی سەرەکی: ئەمرۆ دەزگای لێکۆڵینەوەی تاوانەکانی لیبیا، گۆڕێکی بەکۆمەڵیان لە ناوچەی شۆریف"  لە لیبیا دۆزییەوە،  تەرمی 65 کۆچبەری نەناسراوی تێدابووە.

 

زانیاری زیاتر: دەزگاکە لە تۆڕی کۆمەڵایەتی فەیسبووک نوسیوێتی:  تەرمی کۆچبەرەکان لە گۆڕستانەکە دەرهێنراون و پشکنینی "دی ئێن ئەیان" بۆ کراوە. 

 

لەلایەکی دیکەوە: ڕێکخراوی کۆچی نێودەوڵەتی ڕایگەیاندووە؛ شێوازی مردن و ناسنامەی 65 کەسەکە ئاشکرا نییە، پێدەچێت لە کاتی هەڵهاتنیان بووبێت لە بیابان.

ئەوەی پێویستە بیزانیت: لیبیا بە ڕێگایەکی سەرەکیی دادەنرێت بۆ ئەو کۆچبەرانەی لە ناوچەکانی ئەفریقاوە بەنیازن بپەرنەوە بۆ ئەوروپا.