سەرۆک بارزانی بۆ ئەنجومەنی پشتیوانی هەڵەبجە: بە شانازییەوە ئەندامێکی ئەو ئەنجوومەنەم

ئاڤا نیوز

سەرۆک بارزانی لە سەڵاحەددین پێشوازی کرد لە ئەندامانی ئەنجوومەنی پشتیوانی پارێزگای هەڵەبجە، بە ئەندامانی ئەنجوومەنەکەی وت، شانازییە کە ئەندامێکی ئەو ئەنجوومەنە بم.

ڕاگەیێنراوی فەرمی: ئەمڕۆ شەممە لە سەڵاحەددین، سەرۆک بارزانی پێشوازی کرد لە ئەندامانی ئەنجوومەنی پشتیوانی پارێزگای هەڵەبجە. ئەندامانی ئەنجوومەنەکە بە ناوی خەڵکی هەڵەبجە سوپاسی خەمخۆری و پەرۆشی سەرۆک بارزانییان کرد لە پرسی بە پارێزگا بوونی هەڵەبجە و ئەو خزمەتگوزارییەی پێشکەش بەو پارێزگایە کراوە. هاوکات داوایان کرد سەرۆک بارزانی بەردەوام بێت لە پاڵپشتییەكانی بۆ هەڵەبجە و خزمەتگوزاریی زیاتر لەڕێی دامەزراوەكانی هەرێمی کوردستان بکرێت.

سەرۆک بارزانی بۆ ئەنجوومەنەکە وتی، بە پارێزگابوونی هەڵەبجە تەنیا بابەتێكی مەعنەوی و لەپێناو گەیاندنی خزمەتگوزاریی زیاترە و قوربانیدان و گەورەیی هەڵەبجە بەراورد ناكرێ.

ئەوەشی خستەڕوو "بە شانازییەوە خۆم بە ئەندامێكی ئەنجوومەنی پشتیوانیی پارێزگای هەڵەبجە دەزانم و ئەركی دامەزرامەكانی هەرێمیشە ئەوەی لە توانایاندا بێت بۆ خزمەتگوزاریی هەڵەبجە ئەنجامی بدەن".