خواردنی پسکیت و چا دەبێتە هۆی زیادبوونی کێشی لەش

ئاڤا نیوز

 

بەشێک لە خەڵکی لە کاتە جیاوازەکان، حەزیان لە خواردنی پسکیت و چایە، كەچی بێئاگان لەوەی ڕەنگە ئەم حەزەیان کاریگەری دەبێت لەسەر زیادبوونی کێشی لەش و بەرزبوونەوەی پەستانی خوێنیان. 

 

چیرۆکی سەرەکی: هەندێک کەس وەک شوێنگرەوەی ژەمە سەرەکییەکان و تەنانەت وەك ڕێجیمێكیش پەنا بۆ خواردنی پسکیت و چا دەبەن و وا دەزانن بەمە لەشیان لاواز دەبێت، بەڵام توێژینەوەیەکی نوێ ئەو تێگەیشتنە بە هەڵە دەزانێت. 

 

بڵاوکراوەی فەرمی: بە گوێرەی ڕاپۆرتێک کە لە ماڵپەڕی "مۆنسێف دەیلی" بڵاو کراوەتەوە و ئاماژە بەوە دەدات، پارچەیەک پسکیت ڕێژەیەکی زۆر شەکر و چەوریی تێر و کالۆری تێدایە، ئەمەش کاریگەری لەسەر بەرزبوونەوەی ڕێژەی شەکری خوێن و تێکچوونی ڕژێنی دەرەقی هەیە.

 

زانیاریی زیاتر: پسپۆڕان هۆشداریی دەدەن کە خواردنی پسکیت و چا دەبێتە هۆی زیادبوونی کێشی لەش و بەرزبوونەوەی پەستانی خوێن و ئەمەش مەترسی لەسەر تەندروستی دڵ دروست دەکات،  بۆیە ڕێنمایی دەدەن كە لە بری بەکارهێنانی پسکیت، گوێز یا میوەی وشککراوە بە چاوە بخۆن.