لە کەرلار 13 دووکان و کۆگا لە کەلار سووتان

ئاڤا نیوز

 

بەهۆی ئاگرکەوتنەوە لە بازاڕی ناحیەی ڕزگاری لە کەلار 13 دووکان و کۆگا سووتان. بەگوتەی بەڕێوەبەری بنکەی بەرگریی شارستانی ناحیەکە، "لێکۆڵینەوە لە هۆکاری ئاگرکەوتنەوەکە دەستیپێکردووە".

 

لێدوانی فەرمی: ئیسماعیل کاکە برا، بەڕێوەبەری بنکەی بەرگریی شارستانیی ناحیەی ڕزگاری سەربە قەزای کەلار بە ئاڤا میدیای ڕاگەیاند: "کاتژمێر 02:45 خولەکی بەرەبەیانیی ئەمڕۆ پێنجشەممە، لە ڕووداوی ئاگرکەوتنەوە لە بازاڕی (زاتی) ئاگادارکراینەوە، ئاگر لە دووکانێک کەوتەوە و بەوهۆیەشەوە 13 دووکان و کۆگا سووتان.

 

زانیاریی زیاتر: دووکانەکان کەلوپەلی کارەبایی، بیناسازی، مۆبایلیان تێدابووە، لەبەر ئەوەی کەلوپەلەکانیان لە دەرەوە بوون و چادریان بەسەردا دراوە، بۆیە ئاگرەکە زوو تەشەنەی کردووە.

 

زیانە سەرەکییەکان: قەبارەی زیانەکان بەهۆی ئاگرەکەوە 175 ملیۆن دینارە.

 

هۆکارە زانراوەکان: شایەتحاڵەکان باس لەوە دەکەن کە هۆکاری ئاگرکەوتنەوەکە شۆرتی کارەبا بووە، بەڵام لێکۆڵینەوەش بۆ دۆزینەوەی هۆکاری ڕاستی ڕووداوەکە دەستیپێکردووە.

 

ئەوەی پێویستە بیزانیت: یەکەمین جارە لە مێژووی دروستبوونی بازاڕی زاتی دا ئاگرێکی لەم جۆرە بکەوێتەوە.