هێڵی ئاسمانیی تورکیا دوای 10 ساڵ گەشتەکانی بۆ لیبیا دەستپێدەکاتەوە

ئاڤا نیوز

 

هێڵی ئاسمانیی تورکیا کە پێش شەڕی ناوخۆی لیبیا گەشتەکانی بۆ ئەو وڵاتە ڕاگرتبوو، جارێکی دیکە دەست بە گەشتەکانی دەکاتەوە.

بۆچی گرنگە؟ وا لێکدەدرێتەوە کە دەستپێکردنەوەی گەشتە ئاسمانییەکانی نێوان تورکیا - لیبیا بە مانای سەقامگیریی وڵاتەکە دێت.

ڕاگەیێنراوی فەرمی: عەبدولحەمید دیبەیبە، سەرۆکوەزیرانی لیبیا گوتی: "سوپاس بۆ خوا دوای 10 ساڵ لە وەستانی گەشتەکانی نێوان تورکیا و لیبیا، هەفتەی داهاتوو گەشتەکانی هێڵی فڕۆکەوانی تورکیا بۆ لیبیا دەستپێدەکاتەوە".

 

لە لایەکی دیکەوە:  بیلال ئێکشی، بەڕێوەبەری گشتی هێڵی فڕۆکەوانی تورکیا لە "ئێکس" هەواڵەکەی پشتراستکردووەتەوە و نووسیویەتی: "لە هەفتەی داهاتوودا گەشتە ئاسمانییەکان لە تورکیاوە بۆ لیبیا و بە پێچەوانەشەو دەستپێدەکاتەوە".