بەکارهێنانی بیستۆک هەڕەشە لە بیستنی گەنجان دەکات

ئاڤا نیوز

شارەزایان هۆشداری دەدەن لە زیادبوونی لەدەستدانی بیستن کە لە ئەنجامی بەکارهێنانی بەردەوامی ئامێرە ئەلیکترۆنییەکانی وەک بیستۆک دروست دەبێت، بەتایبەتی لەنێو گەنجەکاندا.

وێنە گەورەکە: لەماوەی ڕابردوودا کێشەی بیستن لەنێو کەسانی بەتەمەندا ڕوویدەدا، بەڵام ئێستا نیشانەکانی لەدەستدانی بیستن لە هەر پێنج کەسێکدا کە تەمەنیان لە خوار بیست ساڵەوەیە، لە یەکێکیان تۆمار دەکرێت، بۆیە هۆشداری دەدرێت لە زیاد بەکارهێنانی.

ئەوەی لەبارەیەوە دەگوترێت: نیکیتا دێکابولتسێڤ پزیشکی بیستن دەڵێت،  ژمارەی ئەو هەرزەکارانەی کە پیستۆک 'هێدفۆن' بەکاردەهێنن بۆ گوێگرتن لە مۆسیقا و گۆرانییەکان بەهۆی کێشەی بیستنەوە سەردانی کلینیکەکان دەکەن، ڕێنماییش دەدات لە کاتێک کە هەستکرا کێشەییەک لە بیستن هەیە لە ڕۆژی یەکەم، دووەم، یان سێیەمدا سەردانی پزیشک بکرێت تا وەڵامدانەوە خێراتر هەبێت و زووتر دەست بە چارەسەکردنی بکرێت.

کاریگەری ولێکەوتەکان: هۆشداریش دەدرێت دواکەوتن لە چارەسەرکردنی ئەم کێشە تەندروستییە ئەگەری هەیە ببێتە هۆی لەدەستدانی هەستی بیستن بۆ ماوەیەکی درێژخایەن و کەسی تووشبوو ناچار دەکات بۆ هەمیشە ئامێری بیستن بەکاربهێنێت.