پەیوەندی نێوان شەکرەی خوێن و نەخۆشییەکانی چاو ئاشکرا دەکرێت

ئاڤا نیوز

توێژینەوەیەک مەترسییەکانی بەرزبوونەوەی ئاستی شەکر لە خوێندا و کاریگەرییەکانی لەسەر تەندروستی چاو ئاشکرا دەکات.

زانیاریی بەدەستهاتوو: زانایانی زانکۆی کۆلێژی لەندەن، لەکاتی لێکۆڵینەوە لە کاریگەرییەکانی نەخۆشی شەکرە لەسەر جەستە، داتای پزیشکییان لە پێنج هەزار و 600 کەسی سەروو تەمەنی 52 ساڵ وەرگرتووە و بۆیان دەرکەوت کە بەرزبوونەوەی ئاستی شەکر لە خوێندا ئەگەری تووشبوون بە نەخۆشییەکانی چاو سێ ئەوەندە زیاد دەکات.

ئەوەی پێویستە بیزانیت: لێکۆڵینەوەکە دەریخستووە ئەو کەسانەی ئاستی بەرزی شەکری خوێنیان هەیە ئەگەری تێکچوونی تۆڕی چاویان بە ڕێژەی 31% زیادی کردووە، لەکاتێکدا ئەوانەی ئاستی شەکری خوێنیان ئاساییە ئەگەری تێکچوونی تۆڕی چاویان بە ڕێژەی 9%ـە.

کاریگەریی و لێکەوتەکان:  توێژەران جەختیان لەسەر گرنگی دەستنیشانکردنی پێشوەختەی نەخۆشی شەکرە و کۆنتڕۆڵکردنی ئاستی شەکری خوێن کردەوە، چونکە ئەم ڕێوشوێنانە بە شێوەیەکی بەرچاو تووشبوون بە نەخۆشییەکانی  پەیوەست بە چاو و  بینین کەمدەکەنەوە.