ئەلینا ڕۆمانۆوسکی: هێشتا داعش هەڕەشەیە لە عێراق

ئاڤا نیوز

 

ئەمریکا پێیوایە شکستپێهێنانی داعش لە عێراق هێشتا تەواو نەبووە و هەڕەشەی ئەو ڕێکخراوە لەسەر وڵاتەکە و هێزەکانی ئەمریکا ماوە.

 

چی ڕوودەدات؟ پێشتر چەند جارێک بەرپرسانی باڵای عێراق ڕایانگەیاندووە، داعش هیچی دیکە مەترسی نییە لەسەر عێراق و پێویستیان بە هاوپەیمانیی نێودەوڵەتی نەماوە.

 

لێدوانی فەرمی: ئەلینا ڕۆمانۆوسکی، باڵیۆزی ئەمریکا لە عێراق بە ئاژانسی ڕۆیتەرزی گوتووە: "ڕێکخراوی داعش هێشتا مەترسی لەسەر عێراق دروست دەکات و کارەکانی هاوپەیمانیی نێودەوڵەتی بە سەرۆکایەتیی ئەمریکا بۆ تێکشکاندنی تەواوەتی ئەو ڕێکخراوە هێشتا تەواو نەبووە".

 

زانیاریی زیایتر: ئەمریکا ترسی لە سەرهەڵدانەوەی داعش هەیە و دەیەوێت دڵنیابێتەوە لەوەی هێزە عێراقییەکان دەتوانن بەردەوام بن لە شکستپێهێنان داعش و کەمکردنەوەی مەترسییەکانی ئەو ڕێکخراوە.